Lady Gaga atangaza kuachana na mchumba wake

Posted by: Unknown Posted date: 13:28:00 / comment : 0

 

Lady Gaga na Taylor Kinney wakiwa pamoja

Ameandika ujumbe kwenye Instagram na kuwaomba mashabiki wawasaidie na kuwaunga mkono.
Lady Gaga na Taylor Kinney ambaye ni mwigizaji na mwanamitindo wamekuwa pamoja kwa miaka mitano lakini uvumi umekuwa ukienea kwamba urafiki wao haupo tena. Amesema bado wanapendana sana lakini juhudi zao za kutaka kutimiza ndoto zao maishani, kuwa mbali pamoja na shughuli nyingi za kikazi vimetatiza uhusiano wao.
Lady Gaga, 30, alichuambiana na Taylor Kinney, baada ya kukutana naye akiandaa video ya wimbo wa You and I mwaka 2011. Alimchumbia siku ya Wapendanao mwaka 2015, na akamvisha pete ya almasi ya umbo la moyo.
Gaga, ambaye jina lake halisi ni Stefani Joanne Angelina Germanotta, pia ameonekana mara kadhAa akiwa hajavalia pete ya uchumba. Mashabiki wao huwaita wawili hao “Tayga”, kutokana na majina yao Taylor na Gaga.